"ከዚህ በኋላ "ቅዝናም አማራ" እየተባልን አንቀጥልም!

ቀጣይ ምን አልባትም ከመካከላችን አንዳችንን ልታጡ ትችላላችሁ።

ከመጋፈጥ ወደ ኋላ አንልም!... ይሄ ሰውዬ ይብቃን! "

ህዳር 17 ቀን 2018 ዓ/ም

ኢትዮ ሰገነት ሚዲያ

የተከበሩ ዮሃንስ ቧያሌው~ ሕዳር 16/2018

ለፌ/ከ/ፍ/ቤት ልደታ ም/ችሎት ከተናገሩት

የተከበሩ ዮሃንስ ቧያሌው ሕዳር 16/2018 በፌደራል ከፍተኛ ቤት ልደታ ም/ችሎት ተከሳሾች በቀረቡበት ወቅት የቂሊንጦ ማ/ቤትን እና የግቢው ጥበቃ እና ደህንነት ኃላፊ ኢ/ር ድሪባ ሰንበታን በተመለከተ ካቀረቧቸው አቤቱታዎች መካከል:-

✍️ ክቡር ዳኞች ልታዳምጡን ይገባል። መስማት ካልቻላችሁ ግን ከዚህ በኋላ በሕይወታችን ጉዳይ ኃላፊነት የምትወስዱ እናንተ ናችሁ!

✍️ ዳኛው ከቤቱታችሁን በጽሁፍ አቅርቡልን ሲሉ የሰጡት

ምላሽ ~ "ትንሿን ይህችን ሰሙን ፤ ይህን እናንተ ሌላውን መንግስት እንደሚያደርገው እናውቃለን። "

✍️ ከዚህ በፊት የተፈቀደው መብታቸው ሳይነካ ተፈጻሚ ይሁን ብላችሁ ትዕዛዝ እና አለፍ ብላችሁም ምክር ጭምር መስጠታችሁ እየታወቀ ነገር ግን እስካሁን አንድም ትዕዛዝ ተፈጻሚ አልሆነም።

✍️ ኢ/ር ድሪባ ሰንበታ "ብትከሱ ምን ታመጣላችሁ ከላይ እስከ ታች ያለነው እኛው ነን" ያሉትን ተግብረውታል።

✍️ ቤተሰብ ጥየቃ የለም ፤ ቤተሰቦቻችን ቢመጡም ምግብ እንደ ውሻ ጥለውልን እንዲመለሱ ነው የሚያደርጉት።

✍️ ግፍና መከራ፣ ወከባ ፣ ስድብና ማስፈራራት በእኛ ላይ ብቻ ሳይሆን በቤተሰቦቻችን ላይ ጭምር እንደቀጠለ ነው።

✍️ ከዚህ በኋላ "ቅዝናም አማራ" እየተባልን አንቀጥልም! ቀጣይ ምን አልባትም ከመካከላችን አንዳችንን ልታጡ ትችላላችሁ። ከመጋፈጥ ወደ ኋላ አንልም!

✍️ አትክልት እና ፍራፍሬ እንዳይገባ ከልክለዋል! እኛ ኦርቶዶክሶች ነን ፤ የ40 ቀን ጾም እንጾማለን። ከጤናም አንጻር ቀላል ያለ ምግብ ~ አትክልትና ፍራፍሬ እንጠቀማለን።

በሙዝ ውስጥ ሲም ካርድ ተገኘ ይሉናል ፤ እኛ ምን አገባን? ይህ የእኛ ስራ አይደለም!

✍️ ፌደራል ፖሊስ በኢ/ር ድሪባ ላይ የወንጀል ፍሬ ነገሩን እንዲያጣራ ፍ/ቤቱ ትዕዛዝ ሰጥቶ ነበር ፤ ፖሊስ ግን እስካሁን አንድም ምርመራ አላደረገም!

✍️ ዐቃቤ ሕግ ይህን እንዴት ያየዋል? የአማራ ሕዝብ የዐቃቤ ሕግ እና የመንግሥት አይደለም ?

✍️ የታጠቁ ሸፍቶች ናቸው እየጠበቁን ያሉት። እንድንገደል እንደተፈረደብን ነው የምንቆጥረው !

✍️ ከአሁን በኋላ ዳኝነት ካላገኘን ቤተሰቦቻችን እየተሰደቡ ፣ አማራነት እየተዋረደ አንቀጥልም ፤ ከዚህ ሰውዬ አውጡን! ይሄ ሰውዬ ይብቃን!

ሕዳር 17/2018

ኢትዮ ሰገነት ሚዲያ