top of page
Search

ታሪክን የኋሊት

Dec 17, 2025
1 min read

--

ኢ ሮ ብ

--

ኢሮብ በሰሜን ምስራቅ ኢትዮጵያ በትግራይ ክልል ምስራቃዊ ዞባ የሚገኝና ከኤርትራ ጋር የሚዋሰን ብሄረሰብ የሚጠራበት ስም ነዉ፡፡


በጂኦግራፊያዊ አቀማመጥ ሲገለጽ፤ የኢሮብ ህዝብ በሰሜን ምስራቅ በኩል ከሳሆ ብሄረሰብ፤ በሰሜን ምዕራብና በምዕራብ ከትግራይ ብሄረሰብ እንዲሁም በደቡብና በምስራቅ በኩል ደግሞ ከአፋር ብሄረሰብ ይዋሰናል።


ኢሮብ፣ በቀድሞው ዘመን የትግራይ ክፍለ ሀገር፣ አጋመ አውራጃ ውስጥ የምትገኝ ወረዳ ናት (በአሁኑ የአስተዳደር አወቃቀር በትግራይ ክልል፣ ምስራቃዊ ዞን ውስጥ ነው የምትገኘው)፡፡ በዚህች ወረዳ ከትግርኛ ተናጋሪው ብሄረ-ትግራይ በተጨማሪ ኢሮብ የሚባለው ብሄረሰብ ይኖራል፡፡ ይህ ህዝብ በውስጡ ሶስት ዐይነት ማህበረሰቦች አሉት፡፡ አንደኛው ደመክኒቶ ይባላል፡፡ የዚህ ማህበረሰብ አባላት የካቶሊክ ክርስቲያኖች ናቸው፡፡ ሁለተኛው ማህበረሰብ “ሀሳበላ” የሚባል ሲሆን የኦርቶዶክስ ተዋህዶ እምነት ተከታዮች ይበዙበታል፡፡ ሶስተኛው ማህበረሰብ “ዳልገዳ” ይባላል፡፡ እነዚህኛዎቹ ደግሞ ሙስሊሞች ናቸው፡፡ እነዚህ ማህበረሰቦች የሚናገሩት ቋንቋ በኤርትራ ምድር ከሚነገረው የሳሆ ቋንቋ ጋር ተመሳሳይነት አለው፡፡ ሆኖም ኢሮብ እና ሳሆ በኢኮኖሚ ስምሪታቸው ይለያያሉ፡፡ የሳሆ ህዝብ ሙሉ በሙሉ አርብቶ አደር ነው፡፡ ኢሮቦች ግን በእርሻ ስራና በአነስተኛ ዕደ-ጥበባት ነው የሚተዳደሩት፡፡ የኢሮብ ወረዳ ተራራና ሸንተረር ይበዛዋል፡፡ በአካባቢው ካሉት ተራሮች መካከል “አሲምባ” እና “አይጋ” ትልልቆቹ ናቸው፡፡


ታዋቂ ግለሰብ፦ ከኢህአፓ መስራቾች አንዱና የድርጅቱ አውራ ታጋይ የነበረው ዶ/ር ተስፋዬ ደበሳይ የኢሮብ ብሔረሰብ ተወላጅ ነበር።


በምስሉ ላይ የኢሮብ ሰዎች በአንድ የዕርቅ ስነስርዓት ድግስ ላይ ለመገኘት ሌማቶችን ተሸክመው ወደ ስፍራው እያመሩ ነው።

 
 
 

Recent Posts

See All
ሰበር ዜና!

የዐብይ ሰራዊት ተደመሰሰ ! -- ኢትዮ ሰገነት ሚዲያ መስከረም 13 ቀን 2019 ዓ/ም ጀብደኛው ምኒልክ 1ኛ ዕዝ 13ኛ ኮር በተዉጣጡ ወስን ኃይሎች በርካታ የጠላት ኋይል ሲደመሰስ፤ ቁጥሩ ያልታወቀ ሞርታር፣ዲሽቃወችን ጨምሮ ለቁጥር እሚያዳግት መሳሪያዎችን ገቢ ማድረግ ተችሏል! አፋብን ምኒልክ 1ኛ ዕዝ 13ኛ ኮር በእ

 
 
 
ሰበር ዜና !

በአፋር ክልል ስድስት ወረዳዎች ነጻ ወጡ ! መስከራም 13 ቀን 2019 ዓ/ም ኢትዮ ሰገነት ሚዲያ አረመኔው የዐብይ አህመድ አገዛዝ በአፋር ክልል ከሌሊት ጀምሮ በተደረገ እልህ አስጨራሽ ውጊያ በርካታ ሰራዊቱ ተደምስሶና ተማርኮ 6 የአፋር ወረዳዎች የትብብሩ አካል በሆነው በአፋር ኡጉጉሙ ቁጥጥር ስር

 
 
 
ሰበር ዜና !

ትዮ ሰገነት ሚዲያ መስከረም፦ 13/ 2019ዓ/ም ከአዲስ አበባ ተነስተው ወደ ላሊበላ አየር ማረፊያ ለማረፍ በመጓዝ ላይ የነበሩ ሁለት ወታደራዊ ሄሊኮፕተሮች ላይ ተኩስ ተከፍቶ አንደኛዋ ከጥቅም ውጭ ስትሆን ሌላኛው ደግሞ የበረራ አቅጣጫዋን ቀይራ የአመራር ስምሪት እንዲሁም ድጋፍ ሳትሰጥ ወደመጣችበት ተመልሳለች። ሄሊኮ

 
 
 

Comments


bottom of page